Vanligt virksemi
Eingin broyting er kunngjørd. Fast virksemi, so sum Mikukvøld og Vikuskifti, er eftir vanligu skránni.
Figur-borðspøl í Klaksvík
Vælkomin á Hermótið
Vit eru eitt áhugafelag, sum virkar til frama fyri figur-borðspælsmentanina í Føroyum.
Kunning
Tíðindi av Hermótinum
Her síggjast avlýsingar, broytingar og komandi tiltøk.
Hugflog, felagsskapur og taktikkur
Hvat eru figur-borðspøl?
Hetta ítrivið leggur upp til, at tey, sum taka lut, sleppa at royna síni skapanarevni, strategisku evni og skynsemi. Tað snýr seg um at mála og byggja modellfigurar og landsløg fyri síðan at seta sínar figurar móti hvørjum øðrum í einum spennandi strategiskum borðspæli, sum skapar gaman og hugtakandi søgur.
Bygg og mála
Vel litir, bygg figurar og skapa landsløg. Ítrivið gevur frið, venur tol og letur hugflogið fáa frítt flog.
Spæl og sigra!
Figurarnir verða nýttir til lutaleik og strategisk spøl, har tú fortelur søgur, dystast og hevur tað stuttligt saman við øðrum.
Fast virksemi
Kom á gátt
Vit hava regluligt virksemi fyri bæði skúlabørn, ung og vaksin í hølum okkara á Heygavegi 42 í Klaksvík. Vit hava alt, sum krevst fyri at njóta hetta ítrivið til fulnar. Vit hava eitt stórt málaraborð við góðum ljósi og einum fjølbroyttum úrvali av máling og amboðum, har tú kanst fáa tínar figurar til lívs. Eisini standa fleiri borð klár við stórslignum landsløgum, har tú og onnur kunnu seta tykkara herdeildir av figurum móti hvørjum øðrum í einum spennandi dysti. Er tað fyrstu ferð, tú vitjar, bjóða vit tær ein ókeypis figur at mála og lána tær fegin figurar at royna í spæli.
Mikukvøld á Hermótinum
Hvørt mikukvøld kl. 18:30–20:30 · Fyri skúlabørn
Hermótið bjóðar skúlabørnum vælkomnum til eina hugnaliga løtu, har tey kunnu mála figurar, spæla og njóta gott samanhald.
Vikuskifti á Hermótinum
Annaðhvørt fríggjakvøld í líkatalsvikum kl. 18:00–22:00 · Fyri ung og vaksin
Ung og vaksin hittast til eitt hugnaligt kvøld við máling, spæli og góðum felagsskapi.